Ramis hf, Grohe international og Byko færðu Hjálpræðishernum veglega gjöf í dag. Öll hreinlætistæki í nýbyggingu Hjálpræðishersins við Suðurlandsbraut voru afhent að viðtöddum fulltrúa Grohe, Torben Kjarngaard, Jóni Steinari Magnússyni frá Byko og Ómari Kristjánssyni frá heildverlsuninni Ramis. Torben Kjarngaard þakkaði höfðinglega gjöf sem myndi sóma sér vel í þessu óvenjulega og fallega húsi sem brátt verður tilbúið til notkunnar. Það er ómetanlegt fyrir starfsemi eins og okkar að fyrirtæki eins og Byko, Grohe og Ramis eru tilbúin til að rétta hjálparhönd á tímum sem þessum.
Í nýja húsnæðinu verður aðalskrifstofa hersins fyrir Ísland og Færeyjar, auk skrifstofu Hjálpræðishersins í Reykjavík og Hertex sem er fata- og nytjamarkaður hersins. Innandyra verður einnig kirkjurými sem hægt verður að stækka inn í fjölnota sal sem liggur samsíða rýminu. Í húsinu verða tvö verkstæði, eitt fyrir trésmíðar og annað fyrir léttari handavinnu. Þar verður hægt að vinna að ýmsum hugðarefnum fyrir fjölbreyttan hóp fólks. Í húsnæðinu verður einnig kaffihús auk fata- og nytjaverslunarinnar Hertex sem verður á tveimur hæðum. Loks verður í húsinu velferðarálma þar sem finna má setustofu og viðtalsstofu.
