Yfir sig hneyksluð þegar hún sá Odd­nýju í sól­baði á Þing­völlum: „Hún lagði á­herslu á tvö síðustu orðin“

Það er ekki tekið út með sældinni að vera þing­maður enda fá þeir stundum yfir sig mikla gagn­rýni fyrir störf sín. Odd­ný Harðar­dóttir, þing­maður Sam­fylkingarinnar, segir á Twitter-síðu sinni frá einu slíku til­felli um helgina.

Færsla Odd­nýjar er svo­hljóðandi:

„Á tjald­stæðinu á Þing­völlum sat kona á miðjum aldri áðan fyrir utan hús­bíl. Hún kallaði á manninn sinn og sagði: ,,Þarna situr al­þingis­maður og sólar sig í stað þess að vera að vinna í þágu þjóðarinnar!” Hún lagði á­herslu á tvö síðustu orðin. Hneyksli - segi ég nú bara.“

Þing­menn eru komnir í sumar­frí en þingi var frestað frá 30. júní síðast­liðnum til 27. ágúst næst­komandi. Veturinn var nokkuð við­burða­ríkur á Al­þingi og setti CO­VID-far­aldurinn strik í reikninginn.

Guð­mundur Andri Thors­son, sam­herji Odd­nýjar í þing­flokki Sam­fylkingarinnar, rifjaði á dögunum upp bros­legt sam­tal sem hann átti við mann á Lauga­veginum. Guð­mundur skrifaði um það sem fór á milli þeirra.

„Hann: Þú ert þjóð­þekktur maður ...

Þýðingar­mikil þögn.

Hann: Þú ert vel máli farinn og á­­gætur maður. En þú ert í Sam­­fylkingunni ...

Þögn.

Hann: Sam­­fylkingin er sauma­­klúbbur. Og sauma­­klúbbur á ekkert erindi á þing.

Þögn.

Hann með miklum þunga: Hvað ERTU að gera?

Ég: Þú ert í fal­­legum jakka.

Þögn.

Ég: Eigðu góðan dag.

Hann: Ekkert svona ljóð við mig!

Og héldum hvor sinn veg.“