Kristínu Soffíu, borgarfullrúa Samfylkingarinnar, hugnast ekki að heilbrigðisráðherra fái heimild til þess að setja á útgöngubann, verði talin þörf á því vegna smithættu. Þetta kemur fram í Twitter færslu hjá Kristínu.
Þar deilir hún frétt Vísis af nýju frumvarpi um breytingu a sóttvarnarlögum. Þar er opnað á heimild Svandísar Svavarsdóttur, heilbrigðisráðherra, til að setja á útgöngubann. Mælt er með því að ekki verði gripið til þess nema í algerum neyðartilvikum.
„Ég vona að þetta verði fellt. Það er ekkert sem kallar á heimild til að setja á útgöngubann. Útgöngubann er hörð atlaga að mannréttindum og frelsi fólks og á ekki að vera til umræðu,“ skrifar Kristín Soffía.
Þar er hún spurð nánar út í málið og bent á að nauðsynlegt hafi verið að gripa til slíkra banna í Evrópu vegna fjölda smita. Hún svarar:
„Af því að heimild getur verið misnotuð. Það er ekkert samhengi milli árangurs í baráttunni og notkun svo íþyngjandi aðgerða. Þetta er allstaðar sami faraldurinn. Stjórnvöld eiga ekki að geta lokað fólk inni ef þau hafa misst traust almennings.“
Henni er aftur svarað. Einn Twitter-verji spyr hvort ekki sé eðlilegt að eiga umræðu um þetta í ljósi heimsfaraldursins. Kristín svarar:
„Nei. Útgöngubann leiðir af sér fjársektir, fangelsun og ofbeldi. Ef fólk hlýðir ekki tilmælum er það vegna þess að það treystir ekki stjórnvöldum. Ef fólk treystir ekki stjórnvöldum þá eiga stjórnvöld ekki að hafa heimild til að setja útgöngubann.“
Ég skil ekki alveg af hverju það má ekki setja heimildina? Vitum ekki hvort að það komi einhvern tímann, þó ekki sé uppi núna, ástæða til að nota útgöngubann á Íslandi eins og hefur verið nauðsynlegt víða um Evrópu til að sporna við smitum.
— Auður Kolbrá (@AudurKolbra) November 24, 2020
Af því að heimild getur verið misnotuð. Það er ekkert samhengi milli árangurs í baráttunni og notkun svo íþyngjandi aðgerða. Þetta er allstaðar sami faraldurinn. Stjórnvöld eiga ekki að geta lokað fólk inni ef þau hafa misst traust almennings.
— Kristín Soffía (@KristinSoffia) November 24, 2020
Nei. Útgöngubann leiðir af sér fjársektir, fangelsun og ofbeldi. Ef fólk hlýðir ekki tilmælum er það vegna þess að það treystir ekki stjórnvöldum. Ef fólk treystir ekki stjórnvöldum þá eiga stjórnvöld ekki að hafa heimild til að setja útgöngubann.
— Kristín Soffía (@KristinSoffia) November 24, 2020
