„Vona að þú leitir þér hjálpar“

Leikarinn Karl Ágúst Úlfs­son lenti í dag í því ó­skemmti­lega at­viki að bíl­rúðan í bíl hans var brotin. Hann á­varpar skemmdar­verka­manninn á Face­book þar sem hann óskar honum enskis ills, heldur segist þvert á móti óska honum alls hins besta.

„Á­gæti skemmdar­verka­maður. (Ég ætlaði upp­haf­lega að kalla þig skemmdar­varg, en hætti við vegna þess að ég vildi ekki særa þig.) Ég veit ekki alveg hvers vegna þú á­kvaðst að brjóta rúðuna í bílnum mínum, svo ég get einungis reynt að gera mér það í hugar­lund,“ skrifar leikarinn.

„Það veit hei­lög hamingjan að ekkert í honum innan­borðs var þess virði að stela því, enda sé ég ekki að neitt hafi horfið úr honum. Svo lík­lega þurftirðu ein­fald­lega að fá út­rás fyrir til­finningar, sem þú einn ert til frá­sagnar um. Ég vona að þar með sértu laus við þær og getir snúið þér að upp­byggi­legri at­höfnum,“ segir Karl.

„Mér þykir í öllu falli mun betra að þú brjótir hjá mér rúðu en að þú skaðir sjálfan þig, sem hefði hæg­lega getað orðið niður­staðan. Það hefði ég ekki viljað hafa á sam­viskunni. Svo vona ég að þú leitir þér hjálpar, en í öllu falli að þú hafir það sem allra best.“