„Það er engin spurning að þetta er stærsta von míns fags," segir Dr. Haraldur Erlendsson geðlæknir í þættinum Undir yfirborðið. Hann segir að ekkert heilbrigðiskerfi í heiminum ráði við síaukna þörf fyrir sálræna hjálp.
Haraldur segir að í réttum aðstæðum, með styrkri leiðsögn sérhæfðra leiðbeinenda, geti fólk heilað sín persónulegu ferli með vitundarvíkkandi efnum og það gefi mikla möguleika á hraðvirkum lausnum. Hann trúir að við getum snúið vörn í sókn með vitundarvíkkandi efnum. Þau hjálpa okkur að að tengja við náttúruna, okkur sjálf og fólkið í kringum okkur, „að við getum bæði verið haus og hjarta, getum verið stærri en við erum í dag – við erum svoldið smá,“ segir hann að lokum með þunga, í viðtali við Ásdísi Olsen í þættinum.
Vitundarvíkkandi efni eru í raun grasalyf eða jurtir, eins og Ayahascha plantan frá Perú eða hinn sk. galdra sveppur (magic Mushroom) eða Trjónupeðillinn okkar sem inniheldur virku efnin psilocybin.
Hér má sjá þáttinn, Undir yfirborðið, þar sem Ásdís Olsen býður okkur með í Ayahascha ferðalag og ræðir við dr. Harald um reynslu sína.