Snorri Sturluson sendi RÚV opinbert bréf á facebook í dag þar sem óskar eftir því að þátturinn Loðmundur verði tekinn af dagskrá.
„Kæra RÚV. Ég rak augun í þáttinn Loðmundur á RÚV í gær kl. 18:04 (6. september 2021) og mér féllust hendur og hreinlega gapti yfir því að RÚV skuli sýna barnaefni sem er beint aftan úr grárri forneskju Litla svarta Sambóa og 10 lítilla negrastráka,“ skrifar Snorri.
„Það er forkastanlegt að RÚV allra landsmanna skuli bjóða börnum upp á efni sem er byggt á rasískum steríótýpum sem þessum og þar með stuðla að uppeldi sem elur á kynþáttafordómum. Það er von mín að þetta verði tekið af dagskrá strax,“ bætir hann við.
Samkvæmt heimasíðu RÚV er Loðmundur er lítill og sætur trítill sem er alltaf í góðu skapi.
„Krúttlegir og skemmtilegir þættir byggðir á samnefndum myndasögum eftir Claire Fraipont og Pierre Bailly,“ segir á heimasíðu RÚV.
Hægt er að sjá brot úr þáttunum á youtube hér að neðan.