Vera Knútsdóttir, framkvæmdastjóri Félags Sameinuðu þjóðanna, hefur opnað sig um reynslu sem hún varð fyrir af hálfu manns sem gegndi embætti sendiherra.
„Égg var starfsnemi og hann var sendiherra. Í starfsmannapartíi tróð hann tungunni í kokið á mér. Dró mig afsíðis og hélt mér fast til að kyssa mig,“ segir hún á Twitter.
Þetta er í fyrsta sinn sem hún opnar sig um atvikið:
„Hef aldrei opnað mig um þetta áður því ég var með svo mikið samviskubit yfir því að hafa sent villandi skilaboð.“
Skilar hún nú skömminni og notar til þess myllumerkið #Metoo:
„Vildi líka ekki koma honum í vandræði og fá á mig stimpil sem drusla. Ég hef aldrei getað horft framan í hann aftur.“