Alls greindist 21 COVID-19 smit hér á landi í gær samkvæmt tölum sem birtar voru á vefnum COVID.is nú klukkan 11. Aðeins sjö einstaklingar voru í sóttkví við greiningu.
Smitum hefur fjölgað töluvert undanfarna daga, en í gærmorgun var greint frá því að 19 smit hefðu greinst á miðvikudag. Þá greindust þrettán smit á þriðjudag. Hefur faraldurinn sótt í sig veðrið og er fjöldi daglegra smita nú á pari við fjölda daglegra tilfella í aprílmánuði.
Síðustu þrjá daga hafa 43 smit greinst hér á landi.
Alls hafa 2.230 smit greinst hér á landi og eru 108 einstaklingar nú í einangrun. Tveir einstaklingar eru á sjúkrahúsi með COVID-19.
