Pistill Láru G. Sigurðardóttur í bakþönkum Fréttablaðsins í dag er fjallar um offitu hefur vakið mikla athygli á netheimum. Heitar umræður hafa skapast á Twitter og óhætt er að segja að pistillinn hafi vakið úlfúð meðal fjölda notenda.
Ein þeirra sem tjá sig Tara Margrét Vilhjálmsdóttir, formaður Samtaka um líkamsvirðingu. Henni þykir nóg boðið. „Þetta er akkúrat hættan á bak við svona þætti og fréttaskýringar um offitu. Alveg sama hvað það var oft tekið fram að offita sé flókið samspil margra þátta t.d. félagslegra að þá er þetta teik flestra; “bOrÐa mInnA NaMmI,”“ segir Tara og bætir við: „Svo ekki sé minnst á hversu hræðilega problematískt það er að upphefja fitusmánun sem árangursríkt aðhaldstæk.“
Tara endurtístir þar tísti Ingu nokkurrar sem spyr einfaldlega hver tilgangur pistils Láru sé. „Hvað er pointið með þessum bakþönkum? Að endurtaka það sem kom fram í Kveik? Vill hún fá klapp á bakið fyrir að henda nammipokanum en ekki kærastanum?“ segir Inga.
Fleiri Twitter-notendur taka undir orð hennar. Þar segir Kristlín nokkur: „Aldrei lesið verri bakþanka, og þar eru meðtaldir bakþankar sem einn pistlahöfundur skrifaði fullur um hvað sveitungur hans væri mikið ómenni.“
Twitter-notandi sem kennir sig við Hexíu de Trix, galdranornina brögðóttu úr Andrésarblöðunum, leggur orð í belg: „Ég er orðlaus yfir því hvað þetta er hrikalegt take. Og að giftast gæjanum sem hún byrjaði með 17 ára (eða yngri), fara í megrun því hann sagði að hún væri búin að fitna... Ég hef áhyggjur.“
Inga, sú sem setti upphaflegu færsluna inn, svarar galdraöndinni og segir: „jebb, vonandi hefur hann þroskast síðan en ég hef litla trú á því (lesist karlmönnum).“ Þá segir Birta nokkur Sæmundsdóttir: „Aww. Kærasti sem finnst hann þurfa að kommenta á holdafar 17 ára kærustunnar er svo mikill keeper.“
Þetta er ekki fyrsti pistill Láru sem vekur athygli netverja. Minnast nokkrir þeirra á það. „Er þetta ekki sama kona og var með galið, heartfelt take um að umræða um læknadóp í umferð væri svo hræðileg. Það væri svo ósanngjarnt gagnvart læknastéttinni að kenna dóp við lækna?“ segir Hlynur nokkur Hallgrímsson.
Þá segir Heiða ein kaldhæðnislega að þetta sé ekki fyrsta „hot take-ið“ hennar og vísar í pistla hennar um skaðleg áhrif áfengis og annan pistil um offitu. Það er því ljóst að þetta málefni er Láru hjartans mál.
Þetta er akkúrat hættan á bak við svona þætti og fréttaskýringar um offitu. Alveg sama hvað það var oft tekið fram að offita sé flókið samspil margra þátta t.d. félagslegra að þá er þetta teik flestra; “bOrÐa mInnA NaMmI” 🤯 https://t.co/hcxBiy1kbx
— Tara Margrét V. (@taramv87) October 13, 2021
