Sósíalistaforinginn Gunnar Smári Egilsson ræðir sóttvarnaraðgerðir stjórnvalda í stuttri Facebook færslu sem hann birtir í kvöld. Þar bendir hann á að Þórólfur Guðnason hafi lagt til tveggja metra fjarlægðartakmörk.
„Ráðherrarnir ræddu málið í tvo tíma og ákváðu af brjóstviti sínu að einn metri væri bara alveg nóg,“ skrifar Gunnar Smári. Eins og alþjóð veit voru sett á eins metra fjarlægðatakmörk og hefur Þórólfur sem og Víðir Reynisson sett spurningamerki við það.
Gunnar Smári spyr að síðustu: „Á hvorum tekur þú mark? Sóttvarnarlækni eða lögfræðingum, íslenskufræðingum og dýralæknum ríkisstjórnarinnar?“