Sóttvarnalæknirinn Þórólfur Guðnason hefur bjargað mörgum lífum á ferli sínum sem barnalæknir. Þetta má sjá á Twitter þræði Sonju Margrétar. Þar greinir hún frá því að Þórólfur hafi bjargað lífi sínu.
„Ef að Þórólfur hefði ekki bjargað lífi mínu þegar ég var 2 vikna gömul með heilahimnubólgu þá væruð þið ekki að fá pjúra comedy beint í æð,“ skrifar Sonja Margrét í þræðinum sem vakið hefur athygli rúmlega 240 manns hið minnsta.
Sonja sló í gegn á samfélagsmiðlinum um daginn þegar hún birti myndir af kettinum sínum í líki Þórólfs. Þráðinn má sjá hér að neðan en hann vakti mikla athygli enda stórkostlegur.
Þá flykkjast aðrir að þræði Sonju til að lýsa því yfir að Þórólfur hafi bjargað lífum þeirra líka. Þórólfur starfaði sem ungbarnalæknir um árabil og hefur augljóslega tekist vel til.
„Bjargaði mér líka, finnst líka eins og það sé verið að gera á mig persónulega árás þegar hann er gagnrýndur,“ skrifar Ragnheiður Perla. „Mér líka!! Eini sem stimplaði mömmu ekki sem móðursjúka,“ skrifar Elísa.
„Hann bjargaði mér líka 12 daga gömlum með sýkingu í brjósti!“ skrifar Hákon Darri Egilsson. Jóhanna Leifsdóttir segir Þórólf frábæran barnlækni. „Bjargaði mér líka hef ég heyrt,“ skrifar Axel Malibu.
Ef hann sér þessar kattamyndir þá á hann örugglega eftir að sjá eftir því að hafa læknað mig... ☠️
— Sonja Margrét 🇵🇸 (@tussukusk) July 27, 2021
— Sonja Margrét 🇵🇸 (@tussukusk) July 24, 2021
