Líkt og ekki hefur farið fram hjá neinum er nýjasta Bond-myndin, No Time To Die, til sýninga í íslenskum kvikmyndahúsum en hún er sú síðasta með Daniel Craig í hlutverki James Bond. Meðal þeirra sem skellt hafa sér á hana er Þór Saari, fyrrverandi þingmaður. Hann fór á myndina í Smárabíó í gær og segir á Facebook farir sínar ekki sléttar.
Í færslu í Facebook-hópnum Vertu á verði - eftirlit með verðlagi, sem er á vegum Verðlagseftirlits Alþýðusambands Íslands, fer einn sem fór sömuleiðis á Bond í Smárabíó yfir upplifun sína.
Þau sem ekki hafa séð No Time To Die áttu að láta staðar numið hér í lestri fréttarinnar.
Þór setti ummæli við færsluna þar sem hann tekur undir með færslunni. „Sammála. Var þarna í gær líka og aðkoman og allt tilheyrandi svæðinu var ömurlegt. Svo drápu þeir Bond í þokkabót,“ skrifaði þingmaðurinn fyrrverandi. Ummælunum hefur nú verið eytt.
Við færsluna taka fleiri undir og segja ástandið í Smárabíó ekki boðlegt.
