Alls keyrðu ellefu þingmenn fyrir eina milljón króna eða meira á síðasta ári. Í fyrsta sinn síðan Alþingi tók að birta aksturskostnað þingmanna er Ásmundur Friðriksson, þingmaður Sjálfstæðisflokksins, ekki sá sem ók fyrir mestan pening.
Í þetta skiptið var það þingmaður Samfylkingarinnar, Gunnar S. Brjánsson, sem var með mestan aksturskostnað á árinu 2020. Hann ók alls fyrir 2.669.081 krónu. Ásmundur var svo í öðru sæti en hann ók fyrir 2.217.867 krónur. Þetta kemur fram í samantekt Kjarnans sem birtist í gær.
Þeir voru einu þingmennirnir sem óku fyrir meira en tvær milljónir króna. Gunnar er þingmaður í Norðvesturkjördæmi en Ásmundur í Suðurkjördæmi.
Guðjón notaði sína eigin bifreið ekkert heldur felst allur kostnaður hans í greiðslum fyrir bílaleigubíla og eldsneyti.
Þessir ellefu þingmenn keyrðu fyrir meira en eina milljón króna á síðasta ári:
- Guðjón S. Brjánsson Samfylkingunni 2.669.081 krónur
- Ásmundur Friðriksson Sjálfstæðisflokki 2.217.867 krónur
- Bjarkey Olsen Gunnarsdóttir Vinstri græn 1.827.141 krónur
- Vilhjálmur Árnason Sjálfstæðisflokki 1.694.043 krónur
- Birgir Þórarinsson Miðflokki 1.653.749 krónur
- Sigurður Páll Jónsson Miðflokki 1.643.859 krónur
- Haraldur Benediktsson Sjálfstæðisflokki 1.580.226 krónur
- Lilja Rafney Magnúsdóttir Vinstri grænum 1.390.240 krónur
- Halla Signý Kristjánsdóttir Framsóknarflokki 1.283.788 krónur
- Albertína Friðbjört Elíasdóttir Samfylkingunni 1.124.066 krónur
- Líneik Anna Sævarsdóttir Framsóknarflokki 1.069.035 krónur