Sveinn Andri: „Það er grunnt á ras­ismann hjá dóms­mála­ráð­herra og ríkis­stjórninni“

„Það er grunnt á ras­ismann hjá dóms­mála­ráð­herra og ríkis­stjórninni,“ segir Sveinn Andri Sveins­son, hæsta­réttar­lög­maður í færslu á Face­book síðu sinni. Hann segir það ó­á­sættan­legt að fólk af arabískum og afrískum upp­runa sé ekki tekið jafn vel­komið hér­lendis og fólki frá Úkraínu.

„Það er hins vegar ó­á­sættan­legt að ekki skuli eiga það sama við um fólk af arabískum og afrískum upp­runa sem flýr stríðs­á­tök og af­leiðingar þeirra í sínu heima­landi,“ segir hann.

Sveinn Andri gagn­rýnir ríkis­stjórnina fyrir þá á­kvörðun að vísa eigi á brott hátt í þrjú hundruð ein­stak­lingum sem sótt hafa um al­þjóð­lega vernd hér­lendis. Fólkið verður sent til Grikk­lands í flótta­manna­búðir.

„Það er síðan sér kapítuli að vísa eigi úr landi 300 manns sem margir hverjir hafa dvalið hér lang­dvölum og að­lagast ís­lensku sam­fé­lagi þegar helsta hindrunin fyrir upp­risu ís­lensks ferða­manna­iðnaðarins er skortur á vinnu­afli,“ segir Sveinn Andri.

Hann segir mann­vonsku og heimsku vera aðals­merki ríkis­stjórnar Katrínar Jakobs­dóttur.