Eins og greint var frá um daginn er Svala Björgvins komin með nýjan kærasta, hinn unga Alexander Alexandersson. Það er óhætt að segja að íslensk kommentakerfi hafi sprungið við fréttirnar, en eins og Fréttablaðið greindi frá sá Svala sig knúna til þess að svara að minnsta kosti einni athugasemd sem henni þótti óviðeigandi.
Facebook notandi skrifaði athugasemdina: „Vonandi ekki annar dópsali, en það er þó alltaf betra að fá dópið frítt.“
Þá svarar Svala pent: „Elsku þú. Rosalega ertu óviðeigandi! Ég hef aldrei á ævi minni tekið eiturlyf og ég drekk ekki einu sinni áfengi, vonandi líður þér vel að tala svona um persónu sem þú þekkir ekki neitt. Sendi þér faðmlag því þú þarft greinilega á því að halda.“
Nú hefur Facebook notandinn svarað fyrir ummælin sín, en Mannlíf greindi frá því í liðnum sínum „Kommentin krufin“.
„Nú, hinn maðurinn lenti í steininum af því að hann var að slást og selja dóp hérna á Spáni, eftir því sem ég best veit,“ segir notandinn aðspurð af blaðamanni Mannlífs um ummæli sem hún skildi eftir á kommentakerfinu.
„Tékkarðu á öllum hinum athugasemdunum líka?“ spyr notandinn. „Ég bara sagði þetta og ég hef ekkert meira um það að segja, sorrí.“
Notandinn segist standa við ummælin, en vonar að strákurinn sé ekki annar dópsali. Notandinn finnst athugasemdin ekki óviðeigandi.
„Nei, en ef hún vill misskilja hana þá er henni það velkomið. Það kemur mér ekkert við hvernig þið lesið út úr því sem ég skrifa. Ekki meira heldur en hvað þið hafið áhyggjur af því hvernig fólk les fréttirnar ykkar. Vonandi er þetta ekki annar dópsali. Hvað er að þér? Af hverju ætti ég að meina eitthvað annað en stendur þarna?“