Nokkuð hefur borið á mótmælum gegn bólusetningum gegn Covid-19 undanfarið. Í síðustu viku vakti það athygli er kona var með uppsteyt við húsnæði Heilsugæslunnar á höfuðborgarsvæðinu er óléttar konur voru bólusettar.
Coviðspyrnan svokallaða hefur staðið fyrir reglulegum mótmælum á Austurvelli gegn sóttvarnaaðgerðum og bólusetningum.
Svandís Svavarsdóttir heilbrigðisráðherra segir í samtali við RÚV að hún hafi litlar áhyggjur af andstöðu við bólusetningar. Það sé hluti lýðræðislegrar umræðu.
„Ég hef ekki sérstakar áhyggjur af þeim röddum og er ósammála þeim í grundvallaratriðum. Við höldum okkar striki,“ sagði heilbrigðisráðherra.
Bjarni Benediktsson fjármálaráðherra tók undir með Svandísi. Hann sé ósammála skoðunum bólusetningarandstæðinga og telur þær hafa unnið „kraftaverk“.