Bjarni Benediktsson fjármálaráðherra og Sjálfstæðisflokkurinn eiga ekki sjö dagana sæla þessa dagana. Samkvæmt síðustu könnun MMR er mikið hrun á fylgi flokksins og nú stefnir í mestu krísu í 100 ár á Íslandi í efnahagslegu tilliti. Þetta sagði Bjarni í samtali við Ríkisútvarpið. Bjarni sagði:
„Ef menn eru að leita að einhverri tölu til þess að átta sig á því hvert verður höggið fyrir ríkissjóð, þá getum við alveg gleymt því að vera að tala um hundrað milljarða eins og ég nefndi að við værum komin yfir. Við erum farin að tala um að minnsta kosti tvöfalda þá fjárhæð, eða meira,“ segir Bjarni.
Þá bætti Bjarni við:
„En þetta stefnir í að verða ein mesta krísa í hundrað ár á Íslandi, í efnahagslegu tilliti. Og þá er gott að vita til þess að við höfum nýtt góðu tímana til þess að hafa svigrúm til að takast á við slíka tíma, án þess að hér fari allt á hliðina.“