Miklar umræður hafa skapast í hópnum Kattarsamfélagið á Facebook sem telur næstum tíu þúsund meðlimi eftir að Stefán Auðunn Stefánsson birti myndband úr öryggiskerfinu í garðinum sínum sem sýnir „lausagangskött“ gera þarfir sínar í sandkassa í garðinum.
Myndbandið heitir „Lausagönguköttur á einkalóð drullar í sandkassa“ og virðist vera tekið upp í garði Séfans.
Kattavinir í Kattarsamfélaginu eru ekki sáttir með þessa kvörtun Stefáns enda hefur lausaganga katta verið hitmál eftir að Akureyri ákvað að banna slíkt. Eru á annað hundrað ummæli undir færslu Stefáns.
„Hafa lok á sandkössum, ábyrgð foreldra að hugsa um kassana,“ skrifar Aðalheiður Steinarsdóttir. Gíslunn Hilmarsdóttir svarar henni um hæl og segir: „er ekki ábyrgð katta eiganda að hugsa um kettina?“
Dagný Kristjánsdóttir spyr hvort að fuglarnir drulla ekkert ofan í kassann.
Hlíf Magnúsdóttir segir þetta nú meira kattarvælið og Erna Marín Kvist Baldursdóttir spyr hvort fólk hafi ekkert annað gera en taka upp ketti gera þarfir sínar? „Endilega fáðu þér lok á kassann og njóttu lífsins.“
Kristín Kolbeinsdóttir spyr hvort það megi búast við því að höfuðborgarsvæðið verði eins og Húsavík og banni lausagöngu katta því allir eru að missa sig. „Vittu til margir Húsvíkingar fara ekki eftir þessum reglum,“ segir Evíta Marín Aguillar.
Kristín segir þá: „já. Sorgleg þróun og svo mikil heift í fólki. Hef áhyggjur ef þetta heldur svona áfram og kisur fara að týnast meira. Það hefur komið fyrir að þær eru teknar og keyrðar í annað hverfi til að hefna sín.“
Myndbandið sem gerði allt vitlaust er að finna hér að neðan en hægt er aðsjá umræðurnar hér.
Ég fann hann! Mesta forréttindapésann. Í einbýli með hlíf á grilli og potti en ekki sandkassa. Að væla yfir ketti sem skeit í sandkassann. pic.twitter.com/usYxXrBFtM
— Rósa Björk Gunnarsdóttir (@vidimelur) June 15, 2022