Stefán Hannesson fyrrum meðlimur í Gagnamagninu gengst við því að hafa beitt fyrrverandi kærustuna sína ofbeldi. Stefán keppti með Daða og Gagnamagninu í Eurovision í Rotterdam í fyrra en sagði sig nýlega úr hljómsveitinni eftir að ásakanirnar voru gerðar opinberar.
Hann birti færslu á Twitter-síðu sinni í dag þar sem hann viðurkennir að þetta sé ekki í fyrsta skipti sem hann hafi beitt ofbeldi í sambandi og segist „iðrast innilega fyrir gjörðir sínar“.
„Árið 2013 beitti ég þáverandi kærustu mína ofbeldi og hefur hún nú stigið fram og sagt frá. Því miður var þetta ekki í fyrsta skipti sem ég varð uppvís að slíku ofbeldi en það átti sér einnig stað í mínu fyrsta sambandi,“ segir Stefán og bætir við að hann hafi leitað sér hjálpar til að takast á við vandann.
„Ég iðrast innilega fyrir það sem ég gerði á hverjum degi og mun alltaf gera. Ég hef leitað mér hjálpar hjá sálfræðingi til að horfast í augu við þetta og vinna úr þessu.“
Þá segist hann hafa tilkynnt meðlimum Gagnamagnsins í fyrra að hann myndi ekki koma fram með þeim ef þau yrðu beðin um það í framtíðinni.
„Á þeim tíma hefði ég átt að tilkynna það opinberlega. Ábyrgðin er mín, skömmin er mín,“ segir Stefán.
Árið 2013 beitti ég þáverandi kærustu mína ofbeldi og hefur hún nú stigið fram og sagt frá. Því miður var þetta ekki í fyrsta skipti sem ég varð uppvís að slíku ofbeldi en það átti sér einnig stað í mínu fyrsta sambandi. Ég iðrast innilega fyrir það sem ég gerði, 1/2
— Stefán Hannesson (@StefanHannesson) January 21, 2022
að tilkynna það opinberlega. Ábyrgðin er mín, skömmin er mín. 3/3
— Stefán Hannesson (@StefanHannesson) January 21, 2022
