„Ég verð að viðurkenna að ég var gríðarlega stoltur af fólkinu mínu og ég vona að það hafi fundið það frá mér,“ segir Sigurður B. Pálsson, forstjóri Byko, í samtali við Fréttablaðið í dag.
Byko gaf öllum starfsmönnum sínum gjafabréf á gististöðum um allt land í gegnum styrkjumisland.is. Um er að ræða 440 starfsmenn og kostuðu kaupin fyrirtækið sex og hálfa milljón. Hver og einn starfsmaður fékk 14.900 krónu gjafabréf.
Sigurður segir að gjöfin sé þakklætisvottur fyrir vel unnin störf í COVID-19 faraldrinum.
„Það var mikið álag og stundum gríðarlegt álag í bland við ótta, en allir lögðu sig 100 prósent fram – því það var töluvert að gera. Við vildum sýna okkar þakklæti og okkur fannst gott að styrkja þá atvinnugrein sem var að koma hvað verst út úr þessu, sem voru annars vegar veitingastaðir og hins vegar ferðaþjónustan.“
Nánar í Fréttablaðinu.
