Söngvarinn góðkunni, Hreimur Örn Heimisson mætti í rangt brúðkaup í gær.
Hreimur spilaði af líf og sál fyrir gesti í brúðkaupi í Samskipahöllinni í gær en átti að spila í brúðkaupi í Haukahöllinni í Hafnarfirði. Að sögn brúpkaupsgesta í Samskipahöllinni var brjáluð stemning þegar hann spilaði.
„Ég stormaði semsagt inn í vitlaust brúðkaup, tók tvö lög og fór,“ segir Hreimur í samtali við mbl.is.
Hann hafði fengið þau fyrirmæli að koma upp á svið eftir ræðu hjá veislustjóra og koma gestum á óvart með „Lífið er yndislegt.“
Þegar Hreimur æltaði að kveðja veislustjórann á leiðinni út náði hann ekki tali af honum. Þegar hann kemur út í bíl þá var ósvarað símtal á síma hans. Hann hringdi til baka og var það veislustjóri sem spyr hann hvar hann væri eiginlega.
Hreimur svaraði þá gáttaður að hann væri enn í Samskipahöllinni, kom þá í ljós að hann átti að koma fram í Haukahöllinni í Hafnarfirði.
Hreimur náði að bruna í Hafnarfjörðinn og taka lagið þar líka. Allt fór því vel og brúðhjónin í Samskipahöllinni eflaust hin ánægðustu með óvænta skemmtiatriðið.