Saur og þvagi úr bleyjum í ruslagámum var makað á rúður og veggi leikskólans Holtakoti á Akureyri í gærkvöldi. Segist leikskólastjórinn Snjólaug Brjánsdóttir vera sorgmædd yfir málinu.
Hún segir að málið sé litið afar alvarlegum augum. Ríkisútvarpið hefur eftir henni að skólastjórnendur hafi ákveðnar hugmyndir um það hver hafi verið að verki og það verði kannað.
„Ég ætla setja þetta á hverfissíðuna og bara vekja máls á þessu því mér finnst þetta bara graf alvarlegt mál,“ segir Snjólaug.
„Hér höfðu einhverjir komið opnað ruslagám þar sem við setjum bleyjur í. Það var búið að opna hér poka því auðvitað eru bleyjurnar í ruslapokum. Búið að opna pokana, opna bleyjurnar og klína hér saur upp um alla veggi og dreifa svo úr þessum um allan skólann.“