Sólveig Lilja Óskarsdóttir, sem mótmælti bólusetningum óléttra kvenna við bólusetningarröðina við Suðurlandsbraut í Reykjavík, segist ekki hafa verið með neinar, hún sé friðarsinni og ekki fengið kæru fyrir uppátækið. Hún heldur því fram, sem ekki á sér stoð samkvæmt rannsóknum víða um heim, að bólusetningar þungaðra kvenna séu hættulega.
Í viðtali við Reykjavík síðdegis þvertekur hún fyrir að hafa komið nokkrum í uppnám eða grætt einhvern. Hún eigi myndskeið af uppákomunni sem sýni fram á það.
„Það var veist að mér og ég þurfti að verja mig. Já, lögreglan kom og tók mig, en ekki fyrir að hafa hátt á staðnum. Ég fékk enga kæru á mig og var sett inn á lögreglubíl og þegar ég neitaði að vera með grímu var sett á mig handjárn og sett á mig grímu. Grímur gera ekkert gagn. Veirur og bakteríur eru það litlar að þær fara þar í gegn,“ sagði hún.
Þessar fullyrðingar stangast einnig á við niðurstöður rannsókna og leiðbeiningar sóttvarnayfirvalda um heim allan.