Kristrún Úlfarsdóttir segist hafa verið í sjokki og ekki náð að svara fyrir sig þar sem hún var sökuð um sóttkvíarbrot í matvöruverslun í gær af eldri manni. Kristrún deilir sögu sinni inni á Facebook hópnum Góða systir.
„Ég er að labba um að versla, eiginlega bara í eigin heimi. Ég var búin að heyra einhver læti út undan mér en var ekkert að pæla í því fyrr en það var togað í peysuna mína.
Þar er eldri maður á háa c-inu að garga á mig: Átt þú ekki að vera í sóttkví? Djöfulsins lið sem getur ekki verið bara kjurrt á íslandi þegar að heimurinn er í klessu, alltaf að fara til sólarlanda að sóla sig.“
Kristrún segist hreinlega bara hafa verið í sjokki. Hún hafi útskýrt fyrir manninum að hún hafi ekki farið til útlanda, einungis tekið lit í íslenskri sól. Maðurinn gaf sig hinsvegar ekki og spurði: „Ertu með sönnun fyrir því?“
