Skúli Mogensen, fyrrverandi forstjóri WOW segist vera til í annað WOW-ævintýri að því er fram kemur í einstaklega hispurslausu viðtali við hann í nýjasta helgarblaði Fréttablaðsins.
Myndirðu gera þetta allt aftur?
„Tvímælalaust.“
Ertu viss?
„Algjörlega. WOW er ævintýri lífs míns og ég hefði ekki viljað missa af einum degi í allri þeirri rússibanareið sem rekstur félagsins var. Þarna var samankominn ótrúlegur hópur fólks sem bjó til einstaka stemningu og liðsheild sem vann kraftaverk á hverjum degi. Ég sakna þess gríðarlega að hafa ekki fengið tækifæri til að klára það mikla starf sem WOW-liðið var búið að byggja upp og var einstakt á heimsvísu. Við vorum ein stór fjölskylda.“
