Arna Bryndís Baldvins McClure, lögmaður Samherja, hefur látið af störfum sem kjörræðismaður Kýpur á Íslandi. Þetta staðfesti utanríkisráðuneytið við Vísi.
„Þá fengum við tilkynningu frá stjórnvöldum á Kýpur, að Arna Bryndís Baldvins McClure hafi látið af störfum frá og með þeim degi, sem kjörræðismaður á Íslandi. Og engar frekari skýringar gefnar á því,“ sagði upplýsingafulltrúi ráðuneytisins.
Arna varð landsfræg sem ein af meðlimum „Skæruliðasveitar“ Samherja, ásamt almannatenglinum Þorbirni Þórðarsyni og skipstjóranum Páli Steingrímssyni. Markmið þeirra var að grafa undan blaðamönnum, hafa áhrif á kosningar og skrifa greinar á fölskum forsendum.
Samherji hefur beðist afsökunar á framgöngu sinni. Hvernig gögnin rötuðu úr síma Páls til fjölmiðla er enn í rannsókn.
