„Það eru svo ótalmargar ástærðu fyrir því að ég elska þennan dásamlega mann minn og ég er alltaf jafn þakklát fyrir að við fundum hvort annað. Ég er sjúklega skotin í honum, svo ég tali nú aðeins um yfirborðskennda hluti en hann er allt sem heillar mig, með ótrúlega fallegt andlit, ljós yfirlitum, hávaxinn, axlabreiður og stór og sterkur,“ skrifar Heiða Ólafsdóttir í einlægri Facebook færslu.
Hún og hugbúnaðarfræðingurinn Helgi Páll Helgason giftu sig í dag í Garðakirkju. Helgi á jafnframt afmæli í dag og því um að ræða sannkallaðan hátíðisdag.
„Við eigum svo vel saman, hlægjum eins og vitleysingar, elskum að upplifa og njóta og svona gæti ég lengi talið. Við eigum svo falleg líf saman og ég get ekki beðið eftir öllum árunum okkar þangað til við verðum eldgömul og grá. Í dag tökum við síðan lokaskrefið í að sameinast því í dag giftumst við. Ég hlakka til að vera góð við þig alla daga elsku fallegi unnusti og verðandi eiginmaður. Elska þig af öllu hjarta.“