Það mynduðust nokkuð langar biðraðir fyrir utan Vínbúðirnar á höfuðborgarsvæðinu nú seinni partinn.
Eins og kunnugt er taka hertar sóttvarnarreglur gildi á miðnætti og líklega ekki úr vegi að álykta sem svo að fólk hafi viljað sækja sér byrgðir áður en þær taka gildi.
Hringbraut fékk meðfylgjandi myndir sendar en þær voru teknar í Skeifunni nú síðdegis. Þar mátti sjá nokkuð langar raðir fyrir utan verslun Vínbúðarinnar. Þá segir sjónarvottur að fjórir öryggisverðir í gulum vestum hafi passað upp á ekki færu of margir inn í einu og að allir fylgdu tveggja metra reglunni. Svipaða sögu var að segja úr Borgartúni þar sem færri komust inn en vildu.
Mikið að gera í átvr. Sumir að hugga sig og sumir að hygge. Ég dæmi ekki og set mig mitt á milli.
— Hulda B. Waage (@waage_hulda) October 30, 2020
Nú væri kjörið að opna fyrir heimsendingu hjá ÁTVR. Bara samstarf við Heimkaup eða eitthvað. Hugsa í lausnum beibí!
— Svavar Knútur (@SvavarKnutur) October 30, 2020
Stend í röð í ÁTVR kortéri eftir hertar sóttvarnaráðstafanir. Í hátölurum blastar Europe: It's the Fiiiiinal Countdooown! pic.twitter.com/NNnf2yHda4
— Jón Aðalsteinn B. (@jonadalsteinn) October 30, 2020
Ég stökk inn í ÁTVR núna áðan. Ekki sá eini sem hefur fengið þá hugmynd 😎
— Guðmundur Egill (@gudmegill) October 30, 2020