Athafnamaðurinn Sigmar Vilhjálmsson er ekki sáttur með því hvernig Ríkisútvarpið kvaddi Eddu Andrésdóttur.
Edda las sinn síðasta fréttatíma á Stöð 2 í gær. Hún byrjaði í fréttamennsku fyrir 50 árum á Vísi. Hún segist þakklát fyrir að fá að taka ákvörðunina sjálf sem hefur verið að gerjast í smá tíma. Hún útilokar þó ekki að birtast á ný á skjánum með þætti á Stöð 2. En fyrst ætlar hún að byrja að taka til í bílskúrnum.
Ríkisútvarpið sem starfar í almannaþágu sagði Stöð 2 „helsta samkeppnisaðila Fréttastofu RÚV“ og bendir Simmi á að RÚV sé eitthvað að misskilja hlutverk sitt.
Í fréttum í kvöld: “..helsti samkeppnisaðili Fréttastofu RÚV..” var sagt um @stod2 i tilefni þess að Edda Andresar er að hætta. Ef @RUVfrettir lítur á aðrar fréttastofur sem samkeppnisaðila þá er RÚV að misskilja hlutverk sitt í samfélaginu. pic.twitter.com/zvcbmF4vkC
— Simmi Vil (@simmivil) August 11, 2022
Þegar um er að ræða upplýsingaskyldu þá á ekki að skipta máli hvaðan upplýsingar koma, heldur að tryggja að fólk sé upplýst um mikilvæg mál. Áhorfstölur RÚV eiga ekki að skipta neinu máli. Bara að faglega sé unnið að upplýsingaöflun og að aðhald miðilsins sé raunverulegt.
— Simmi Vil (@simmivil) August 11, 2022
