Sigmundur Davíð Gunnlaugsson, formaður Miðflokksins, skellti sér að gosstöðvunum í Geldingadal í nótt. Frá þessu greinir hann á Facebook-síðu sinni og lýsir þar aðdraganda heimsóknarinnar.
„Þegar ég var barn og bjó í Bandaríkjunum kom afi í heimsókn og sagði mér að á Íslandi væri bjart allan sólarhringinn á sumrin og þá mætti vaka eins lengi og maður vildi. Ég hafði þetta í huga í nótt, hætti við að fara að sofa og kíkti á gosið. Það er gaman að búa í svona landi,“ skrifar forsætisráðherrann fyrrverandi.
Í athugasemd við færslu Sigmundar er spurt hvort myndin sé „fótosjoppuð“ en hann svaraði um hæl að „ef hún hefði verið fótósjoppuð væri hárgreiðslan betri.“
Húmoristinn Hrafn Jónsson tísti um færslu Sigmundar og skaut léttilega á hann.
„Ég dýrka þegar Sigmundur Davíð leikur einhverja svona Liam Neeson hefndarhasarmyndapersónu. Alveg nýbúinn að kveikja í einhverri kommúnistaverksmiðju.“
Ég dýrka þegar Sigmundur Davíð leikur einhverja svona Liam Neeson hefndarhasarmyndapersónu. Alveg nýbúinn að kveikja í einhverri kommúnistaverksmiðju. pic.twitter.com/MsAvx2u5wb
— Hrafn Jónsson (@hrafnjonsson) June 15, 2021