Sema Erla Serdar, stjórnmála- og Evrópufræðingur og baráttukona fyrir mannréttindum, fékk heldur miður skilaboð í athugasemd undir frétt DV í fyrradag. Sema fær iðulega yfir sig holskelfu af neikvæðum skilaboðum og er ljóst að margir ættu að hugsa sig um tvisvar áður en þeir ýta á senda. Viðar már Þorkelsson gengur þó lengra en flestir og hótar Semu ofbeld.
„Sumir eru svo spenntir fyrir því að sjá mér slátrað að þeir skella amk í tvær slíkar athugasemdir sama dag! Flott hjá dv að leyfa þessu bara að standa og senda með því þau skilaboð að þetta sé í lagi! Takk!,“ skrifar Sema sem deilir skjáskoti af skilaboðunum.
„Mér finnst bara ennþá ótrúlegt að við séum í samfélagi þar sem fólk tjáir sig svona og undir nafni. Síðan skilur fólk ekki af hverju einelti og hatursorðræða er vandamál hjá börnum og unglingum,“ skrifar Heiða undir færslu Semu.
„Er þetta löglegt? Þetta er ótrúverðug líflátshótun, en samt líflátshótun,“ segir Sveinbjörn.
„Þetta er ömurlegt. Hafi viðkomandi snepill eilífa skömm fyrir þetta,“ skrifar Villa.
Sumir eru svo spenntir fyrir því að sjá mér slátrað að þeir skella amk í tvær slíkar athugasemdir sama dag! Flott hjá dv að leyfa þessu bara að standa og senda með því þau skilaboð að þetta sé í lagi! Takk! 👍 pic.twitter.com/bgm1e7oIS0
— Sema Erla (@semaerla) February 2, 2023