Lengi hefur gengið slúðursaga um ástarlíf Áslaugar Örnu Sigurbjörnsdóttur dómsmálaráðherra. Eiríkur Jónsson gaf sögunni byr undir báða vængi í færslu á síðu sinni í dag þar sem því var haldið fram að þetta gæti haft áhrif á stöðu Áslaugar Örnu við stjórnarmyndunarviðræður og hvaða ráðherrastól hún muni verma að honum loknum.
Þetta er þó ekki alls kostar rétt samkvæmt Orðinu á götunni á vef DV.
„Samkvæmt heimildum Orðsins er það fjarri sanni og er líklegra að sú mynd hafi verið máluð af pólitískum andstæðingum Áslaugar Örnu. Þeir sem ákvarðanirnar taka í flokknum gefa einkalífi ráðherrans lítinn gaum.“
Heimildir Orðsins herma enn fremur að tveir möguleikar séu í stöðunni varðandi ráðherrastól Áslaugar Örnu. Annars vegar að hún sitji áfram sem dómsmálaráðherra og hins vegar að hún taki við atvinnuvega- og nýsköpunarráðuneytinu af flokkssystur sinni Þórdísi Kolbrún Gylfadóttur Reykfjörð, sem færi þá í sjávarútvegsráðuneytið. Þá fengju Vinstri grænir dómsmálaráðuneytið.
„Að öllum líkindum er seinni sviðsmyndin orðin líklegri en staðan breytist þó ört“, segir Orðið.
