„Skilaboð úr brekkunni!“ segir Auður, Twitter notandi, í færslu sinni á samfélagsmiðlinum.
„1/3 ef ekki meira stóð upp og fór þegar meintur gerandi steig á svið,“ segir hún og vísar þar í áskorun hópsins Öfga þar sem fólk var hvatt til þess að standa með þolendum og yfirgefa brekkuna í Vestmannaeyjum á miðnætti.
Skilaboð úr brekkunni !!!
— Auður (@audurosp90) July 31, 2022
1/3 ef ekki meira stóð upp og fór þegar meintur gerandi steig á svið.
Þið eruð breytingin 🤍
„Það er bara eitt ár síðan þolendur og aktívistar fengu nóg af því að meintum gerendum sé hampað á stærstu útihátíð landsins. Í fyrsta skiptið var hlustað, eða hvað?“ sagði í yfirlýsingunni sem kom út fyrir helgi.
Öfgar sögðu þjóðhátíðarnefnd hafa hrifsað alla von frá þolendum um að geta mætt á þolendavæna þjóðhátíð með því að hafa mann „uppi á sviði sem hefur í tvígang verið kærður fyrir nauðgun.“ Sú ákvörðun sanni að þolendur skipti þjóðhátíðarnefnd engu máli.
Því hvatti stjórn Öfga þá sem standa með þolendum að yfirgefa brekkuna þegar meintur gerandi steig á svið. „Hlutleysi er ekki til. Hlutleysi þýðir afstaða með meintum geranda.“
Klukkan 00:15 þá förum við úr brekkunni 🫶❤️ @ofgarofgar
— Hólmfríður Svala (@hofisvala) July 30, 2022