Gísli Marteinn Baldursson, sjónvarpsmaður og fyrrverandi borgarfulltrúi, segir ekki sanngjarnt að segja að Sjálfstæðisflokkurinn sé á móti sóttvarnaraðgerðum þó Sigríður Á. Andersen og Brynjar Níelsson, þingmenn flokksins séu það.
Þetta kemur fram í Twitter færslu Gísla sem vakið hefur mikla athygli. „Pólitíkusar með sjálfstæðar skoðanir eru mikilvæg. Ekki flokkshestar. Það er ekki sanngjarnt að segja að XD sé á móti sóttvarnaraðgerðum þótt Sigga og Brynjar séu það,“ skrifar Gísli.
Hann segir að sömuleiðis væri rangt að halda því fram að Sjálfstæðisflokkurinn í Reykjavík styddi borgarlínu þó að borgarfulltrúarnir Hildur Björnsdóttir og Katrín Atladóttir í flokknum geri það. Færsla Gísla hefur vakið mikla athygli.
Pólitíkusar með sjálfstæðar skoðanir eru mikilvæg. Ekki flokkshestar. Það er ekki sanngjarnt að segja að XD sé á móti sóttvarnaraðgerðum þótt Sigga og Brynjar séu það. Og það væri líka rangt að halda því fram að XD í Rvk styddi Borgarlínu þótt @hildurbjoss og @katrinat geri það.
— Gísli Marteinn (@gislimarteinn) April 8, 2021
Meðal þeirra sem svara Gísla eru Alexandra Ýr van Erven, ritari Samfylkingarinnar og Ólafur Kjaran Árnason, varaformaður Ungra jafnaðarmanna. „Mér segist svo hugur að fólk sem heldur því fram að XD sé á móti sóttvarnaraðgerðum sé ekki síður að vísa til ráðherrans sem vill liðka fyrir landamærum og þeirrar staðreyndar að lagt var fram sóttvarnarlagafrumvarp sem gengur styttra en VG virðist vilja ganga,“ skrifar Alexandra.
Ólafur segir málið snúast um meira en Sigríði og Brynjar. „Rétt. En vill svo til að ríkisstjórnin hangir á Sigríði & Brynjari (nr. 1 & 2 í Rvk-s). Og snýst ekki bara um þau – ráðherrar flokksins hafa ítrekað brotið sóttvarnareglur. Enginn flokkur er eins óábyrgur og Sjálfstæðisflokkurinn í sóttvarnamálum. Ekki einu sinni Miðflokkurinn.“
Þá leggur Viktor Orri Valgarðsson, stjórnmálafræðingur og fyrrverandi varaþingmaður Pírata orð í belg. „Satt og rétt. Það er samt svolítið undarlegt af þingmönnum í stjórnarmeirihluta að tala eins og þau hafi bara ekkert með aðgerðir ríkisstjórnarinnar að gera, er það ekki...?“
Mér segist svo hugur að fólk sem heldur því fram að XD sé á móti sóttvarnaraðgerðum sé ekki síður að vísa til ráðherrans sem vill liðka fyrir landamærum og þeirrar staðreyndar að lagt var fram sóttvarnarlagafrumvarp sem gengur styttra en VG virðist vilja ganga
— Alexandra Ýr (@alexandravanerv) April 8, 2021
Rétt. En vill svo til að ríkisstjórnin hangir á Sigríði & Brynjari (nr. 1 & 2 í Rvk-s). Og snýst ekki bara um þau – ráðherrar flokksins hafa ítrekað brotið sóttvarnareglur.
— Ólafur Kjaran Árnason (@kjamanden) April 8, 2021
Enginn flokkur er eins óábyrgur og Sjálfstæðisflokkurinn í sóttvarnamálum. Ekki einu sinni Miðflokkurinn.
Satt og rétt. Það er samt svolítið undarlegt af þingmönnum í stjórnarmeirihluta að tala eins og þau hafi bara ekkert með aðgerðir ríkisstjórnarinnar að gera, er það ekki...?
— Viktor Valgarðsson (@viktor888) April 8, 2021