Hin 21 árs gamla Sandra Ósk Jóhannsdóttir biðlar til fylgjenda sinna á Twitter um að virða þær takmarkanir sem tóku gildi á miðnætti vegna COVID-19. Þetta gerir hún í tísti sem hún birti í dag og vakið hefur mikla athygli.
Mikil umræða hefur átt sér stað um viðbrögð stjórnvalda við mikilli fjölgun smita og hvort þau hafi verið réttlætanleg. 85 smit greindust í gær og greindist sambærilegur fjöldi dagana á undan.
„Er ekki annars allt eðlilegt við það að þurfa taka púst 2x á dag eftir að hafa fengið COVID því maður nær ekki andanum, 21 árs fullheilbrigð? Virðum takmarkanir,“ skrifar Sandra.
Er ekki annars allt eðlilegt við það að þurfa taka púst 2x á dag eftir að hafa fengið COVID því maður nær ekki andanum, 21 árs fullheilbrigð? Virðum takmarkanir.
— Sandra Ósk Jóhannsdóttir (@sandra_johanns) July 25, 2021