Ragnar Þór Ingólfsson, formaður VR, styður tillögu Sjálfstæðismanna í Reykjavík um að flýtimeðferð á byggingu 3000 íbúða í borginni.
„Það verður erfitt fyrir meirihlutann að sækja sér umboð í næstu kosningum ef þessi tillaga nú verður felld,“ segir Ragnar Þór í Morgunblaðinu í dag.
Samkvæmt Morgunblaðinu gengur tillagan út á byggingu 2.000 íbúða á Keldum og á Keldnaholti, 500 í Úlfarsárdal og 500 á BSÍ-reit.
Sigurður Hannesson, framkvæmdastjóri Samtaka iðnaðarins, er einnig stuðningsmaður tillöguna. Hann segir meirihlutann í borginni ekki átta sig á vandamálinu.
„Stóra myndin er þessi: Það þarf fleiri íbúðir en núverandi meirihluti er ekki með ráðgerðir um að þær verði til í Reykjavík.“
„Ég skil þetta ekki. Ég bara skil ekki af hverju við erum í þessari stöðu í Reykjavíkurborg að það sé ekki hægt að víkja frá þéttingarstefnunni til þess að mæta neyðarástandi á húsnæðismarkaði. Þegar pólitíkin þvælist svona fyrir þá er ég viss um að kjósendur muni segja skoðun sína á því,“ segir Ragnar Þór.