Ragnar Þór Ingólfsson, formaður VR, bendir á sturlaða staðreynd um bankanna á Facebook í dag en færslan hefur fengið mikla athygli í dag.
„Önnur sturluð staðreynd! Vextir á veltureikningum eru:
Íslandsbanki 0,75%
Landsbankinn 0,75%
Arion banki 0,4%
Vextir á viðskiptareikningi bankanna hjá Seðlabanka Íslands eru í dag 5,75%,“ skrifar Ragnar.
„Bankarnir greiða viðskiptavinum sínum 0,4-0,75% í vexti á viðskiptareikningum en þeir fá síðan 5,75% vexti á sínum viðskiptareikningum hjá Seðlabanka Íslands. Álagning bankanna á veltureikningum eru því lítil 1338% hjá Arion banka en hún er "aðeins" 667% hjá Íslandsbanka og Landsbankanum. Bankarnir eru bókstaflega að tapa sér í græðginni,“ bætir Ragnar við en hátt í hundrað manns hafa deilt færslunni.
„Veldur manni depurð, sorg, hvernig allt er orðið hér á Íslandi,“ skrifar einn undir færslu Ragnars Þórs.
„Íslendingar eru náttúrulega snillingar,“ segir Sigmundur G. Sigurjónsson í háð.
Sjónvarpsmaðurinn Egill Helgason leggur einnig orð í belg og segir: „Breytir heldur ekki neinu hvort bankarnir eru í einkaeigu eða ríkiseigu, Sama tóbakið.“
