Pawel Bartoszek, fyrrum borgarfulltrúi, segir þingmenn á Íslandi ættu í raun og veru að vera fleiri, þegar horft er til fólksfjölgunar á síðustu árum.
„Þingmannafjöldi hefur verið óbreyttur síðan 1987. Þá var hann nokkuð nærri þriðju rót af íbúafjöldatölu (sem stundum er notað sem viðmið) en þingmenn ættu nú að vera 71-71 nú miðað við þessa formúlu,“ segir hann í Facebook-færslu.
Hann segir það skiljanlegt að fólk hugsi um kostnað og vilji ekki fjölga stjórnmálamönnum að óþörfu.
„En vandinn er að sögulega er auðveldara að jafna atkvæðavægi með því að fjölga þingmönnum þar sem þeir eru of fáir frekar en að taka þá í burtu þaðan sem þeir eru of margir. Þess vegna hefur aðhaldið kostað okkur það að misvægi atkvæða hefur aukist undanfarna áratugi og jöfnuður milli flokka á landsvísu næst ekki lengur,“ segir hann.
„Núverandi kosningakerfi verður bráðum aldarfjórðungsgamals. Heildarendurskoðun er ein leið en ekki sú eina. Minniháttar uppfærsla með hóflegri fjölgun þingmanna og sanngjarnari skiptingu þeirra á kjördæmin gæti verið góður kostur.“
Færsluna má sjá hér að neðan.