Orð dagsins á hin vinsæla fjölmiðlakona Sirrý Arnardóttir. Ummælin lét hún falla á Facebook. Hún hefur, líkt og margir Íslendingar orðið vitni að því að landar hennar séu í miklum mæli að brjóta þær reglur sem yfirvöld hafa sett varðandi fjölda á hverjum stað og eins sé fólk ítrekað að brjóta tveggja metra regluna. Sirrý segir þetta lífsspursmál en orð dagsins eru svohljóðandi:
„Ég hjólaði framhjá vinsælu bakaríi áðan og þar var þétt troðið og enginn virti tveggja metra regluna. Hvað er að fólki? Þetta er nú ekki flókin regla og vel hægt að standa í röð út á götu. Er Víðir ekki búinn að biðja okkur að taka þetta alvarlega?
Koma svo - halda fjarlægð - líka í bakaríum.“