Orð dagsins að þessu sinni féllu í íbúagrúppu Vesturbæjar á Facebook. Þar lét kona ein hundaeigendur aldeilis heyra það eftir að hundur meig á nýmálað hús í hverfinu.
Það er óþarfi að fjölyrða mikið um hvað stóð í færslunni, en hún var svona:
Þegar þetta er skrifað hafa yfir 100 athugasemdir verið settar við færsluna og virðist mörgum hreinlega hafa svelgst á morgunkaffinu þegar þeir sáu færsluna. Margir taka þó undir að það sé leiðinlegt þegar hundar gera þarfir sínar með þessum hætti.
„Ég myndi fá mér hús fjarri mannabyggð ( og hunda ) ef þetta er ástæða til að henda í status,“ segir einn. Konan sem setti færsluna inn svarar að bragði: „Þakka þér fyrir ég hef það ágætt- myndi vilja að samborgarar sýni örlitla virðingu gagnvart eignum annarra.“
Einn hundaeigandi segist vera kominn með nóg af því að allir þeir sem eiga hunda séu settir undir einn hatt. Ok! Ég er hundaeigandi. Ég veit að þetta er ekki eftir mig eða mína. Þarf ég samt að éta skít að þínu mati. (Ótrúlega þreytt á þessum alhæfingum á bæjarsíðu fb).“
Þá segir einn: „Voðaleg heift er þetta. Það er mjög erfitt að stýra því hvar hundarnir ákveða að míga í göngutúrnum, því miður.“
Þá bendir einn á að hægt sé að stýra hundunum þannig að þeir gangi ekki upp við hús eða glugga. Eigandinn sé þá nær húsinu en hundurinn til dæmis nær götunni.
Sumir taka undir með konunni og sýna henni stuðning.
„Er ekki í lagi með ykkur hundaeigendur. Það er alveg sjálfsögð krafa að ekki sé migið eða skitið á húsið manns, skiptir þá engu hvort um sé að ræða maður eða dýr. Það er alveg hægt að segja nei við hundinn sinn og ekki leyfa þeim að míga á miðja húsveggi og gefa honum meiri tíma við næsta staur eða brunahana. […] Auðvitað er ekki heillavænlegt að byrja umræðu á blammeringum eins og var gert í þessu tilfelli en það má vel sýna því skilning þegar maður kemur að nýmáluðu húsi sínu fersklega útmignu.“
