Orð dagsins að þessu sinni á Víðir Reynisson yfirlögregluþjónn. Víðir hefur verið áberandi undanfarna mánuði enda baráttunni gegn COVID-19 hvergi nærri lokið.
Það sem Víði hefur verið hrósað fyrir er að hann sýnir mannlegu hlið sína og þykir ná einkar vel til fólks. Það skiptir máli á tímum sem þessum.
Víðir sendi vini sínum og samstarfsfélaga Rögnvaldi Ólafssyni, aðalvarðstjóra hjá embætti ríkislögreglustjóra, fallega kveðju á Facebook í dag en Rögnvaldur á afmæli í dag.
Kveðjan sem Víðir sendi vinum sínum var falleg en hún var svohljóðandi:
„Innilega til hamingju með daginn vinur minn. Þú gerir hvern dag betri. Þó að samstarfið hafi verið náið síðustu mánuði nær það nú samt 15 ár aftur í tímann. 15 ár! Forréttindi að vinna með þér.“
Það er líklega gott að eiga vin eins og Víði.