Orð dagsins að þessu sinni á Freyr Eyjólfsson, fjölmiðlamaður á RÚV til margra ára. Freyr kemur kollega sínum, Helga Seljan, til varnar en eins og komið hefur fram hefur Samherji, eitt stærsta fyrirtæki landsins, sakað Helga um slæleg vinnubrögð í Samherjamálinu svokallaða.
Birti Samherji til að mynda þátt á YouTube þar sem fyrirtækið gerir alvarlegar athugasemdir við fréttaflutning RÚV af málinu og þá einkum um heimildaöflun fréttamannsins Helga Seljan. Útvarpsstjóri og fréttastjóri RÚV gefa þó lítið fyrir málflutning Samherja og sýna Helga fullan stuðning.
Það gerir Freyr Eyjólfsson líka en þeir unnu saman í mörg ár og þekkjast því vel. Freyr sendi Helga fallega kveðju á Twitter í dag:
„Hann er einn heiðarlegasti og duglegasti fjölmiðlamaður sem ég þekki. Hann er engum háður. Hann er ekki í neinu stríði við neinn. Frekar næs gaur. Bara vinna vinnuna sína - segja fréttir og upplýsa.“