Margrét Kristmannsdóttir, pistlahöfundur og framkvæmdastjóri, fjallar um ófrjósemi í bakþönkum Fréttablaðsins í dag. Þar segir hún frá því að par náið henni glími nú við það og segir að það sé líklegra algengara að það gerist, en fólk gerir sér grein fyrir. En hátt í 20 prósent para glíma við ófrjósemi.
„Er þessi bakþanki skrifaður með þeirra samþykki – enda umræðan þörf. Það sjá flestir fyrir sér lífið á ákveðinn hátt – við menntum okkur, hefjum sambúð og þegar við teljum rétta tímann kominn þá hefjast barneignir. En stundum bara koma börnin ekki þegar við viljum,“ segir Margrét.
Hún lýsir því hvernig, í hverju mánuði, fólk fyllist von en upplifir svo sorg þegar engin þungun hefur átt sér stað eða fósturmissir orðið.
Margrét bendir á að það eru til leiðir til að aðstoða fólk en að þær séu kostnaðarsamar. Hún segir að við eigum ekki að vera óhrædd við að ræða þetta og er svo með skilaboð frá parinu, sem flestir ættu líklega að tileinka sér
„En sterkustu skilaboðin frá þessu unga pari eru: Aldrei spyrja fólk á barneignaaldri hvort það ætli ekki að drífa sig í að koma með barn! Þau eru annaðhvort að reyna það – geta það ekki eða langar ekki til þess.“
