Tómas Guðbjartsson segir alla hafa hjálpast að á gjörgæslu Landspítalans og búið til pláss þegar maðurinn, sem skotinn var af lögreglu á Austurlandi, mætti á spítalann með neyðarflugi.
„Hann var orðinn mjög lágur í blóðþrýstingi og búinn að tapa miklu blóði en með neyðarblóði og adrenalíni var hægt að halda uppi blóðþrýstingnum og koma honum lifandi að austan og hingað suður í bæinn.“
Tómas kemur á framfæri miklu hrósi til þeirra sem komu að málinu fyrir austan. Meðal þeirra var gamall nemdandi hans, ungur læknir. „Hún hringdi strax og fékk ráð. Hún pantaði neyðarblóð frá sjúkrahúsinu í Neskaupsstað og pantaði flugvél frá Akureyri. Sú tvíþekja er miklu hraðari en þyrla, það hefði tekið miklu lengri tíma að hringja eftir þyrlu og jafnvel þurfa að stoppa á leiðinni til að taka bensín. Ég vil bara sérstaklega hæla fólkinu á Egilsstöðum fyrir hárrétt viðbrögð og viðbrögð þeirra á Akureyri einnig til fyrirmyndar.“
„Hann náði alveg undraverðum bata, miðað við alvarleika áverkans og hversu umfangsmikil aðgerðin var. Það eru auðvitað góðar fréttir fyrir ekki bara hann og hans fjölskyldu heldur einnig lögreglumanninn sem lenti í þeim erfiðu aðstæðum að þurfa að hleypa af skoti á manninn“. þurfa að stoppa á leiðinni til að taka bensín. Ég vil bara sérstaklega hæla fólkinu á Egilsstöðum fyrir hárrétt viðbrögð og viðbrögð þeirra á Akureyri einnig til fyrirmyndar.“
Mun ná sér
Þegar flugvélin lenti á Reykjavíkurflugvelli tók neyðarteymi á móti sjúklingnum og ákveðið var að fara beint með hann í hjartaskurðdeildina að sögn Tómasar.
„Við ákváðum það, en ekki bráðamóttökuna eða í myndrannsóknir, til að flýta fyrir og reyndist það mikið heillaspor.“
Tómas segir að þetta sé ekki bara skurðlæknirinn sem geri allt heldur sé hann eins og hljómsveitarstjórinn.
„Þetta er rosalega stórt teymi sem kemur að svona, bæði á vettvangi og þegar hingað á Landspítalann er komið.“
Tómas segir að maðurinn hafi komið inn á mjög slæmum tíma. „Það voru Covid sjúklingar á gjörgæslu og fullt upp í rjáfur. Allir hjálpuðust að og búið var til pláss. Einhvernveginn gekk allt upp, öll skref sem við tókum skiluðu okkur áfram, allan tímann. Við lentum aldrei í alvarlegu bakslagi.“
Hann segir að skotmaðurinn muni ná sér að mestu en þetta hafi verið stór aðgerð en tekist hafi að bjargar stærstum hluta lungans. „Það bendir allt til þess að hann muni geta náð mjög góðri líkamlegri heilsu.“
Heimild: Manlíf