Omar Alrahman, 41 árs Íraki sem býr í Hafnarfirði með eiginkonu, barni og föður sínum taldi sig hafa fundið friðsælasta stað á jarðríki þegar hann flutti til Íslands árið 2020.
Honum hlakkaði til að búa fjölskyldu sinni gott heimili og eiga góða framtíð. Allt þetta gekk eftir þar til Omar varð fyrir óskiljanlegri og lífshættulegri líkamsárás byggingarsvæði á Seltjarnarnesi á 17. júní. Þetta kemur fram í viðtali DV.is við Omar.
Árásin átti sér stað um tíuleytið um morguninn. Greint var frá málinu í fjölmiðlum en tveir sjúkrabílar og þrír lögreglubílar komu á vettvang. Í læknisvottorði sem Omar hefur undir höndum kemur fram að hann hlaut þrjú brot á höfuðkúpu og sár á höfuðið, rifbeinsbrot og löskun á hægri hendi.
Auk þess er hann sagður vera í áfalli og líða mjög illa andlega eftir árásina. Lá hann á heila- og taugaskurðdeild Landspítalans í tvo sólarhringa eftir atvikið. Hann er núna rúmfastur á heimili sínu í Hafnarfirði.
„Það síðasta sem hann man er að hann varð var fyrir hreyfingu fyrir aftan sig er hann kraup niður við bílhjól en hann var að huga að dekki á bíl sínum sem var í ólagi. Næst vaknar hann á sjúkrahúsi umkringdur heilbrigðisstarfsfólki og lögreglumönnum,“ segir í frétt DV.
Árásarmaðurinn barði hann margsinnis með hamri í höfuð og stakk hann oft með oddhvössu verkfæri í búkinn með þeim afleiðingum að tvö rifbein brotnuðu. Omar þjáist núna af stöðugum verkjum og svefnleysi og þarf bæði sterk svefnlyf og verkjalyf. „Ég get ekki sofið og þori ekki út úr húsi,“ segir hann.
Blaðamaður DV.is heimsótti Omar og fjölskyldu hans og er hægt að lesa viðtalið hér.