Sjónvarpsmaðurinn Ómar Ragnarsson er allt annað en sáttur með hugarfar Íslendinga þegar það kemur að óveðri hér heima. Þetta skrifar hann í pistli sem ber heitið. „Íslendingurinn: Þetta reddast, - látum á það reyna“
„Búið er að kyrja aðalrétt þessarar helgar dögum saman varðandi það að í aðsigi sé eins mikið fárviðri og hugsast getur með tilheyrandi rauðri viðvörun, sem er efsta mögulega stig,“ skrifar Ómar á vefsíðu sinni.
„Samt eru bílar fastir tugum saman á óveðurssvæðinu og hámarks útkall björgunarsveita í gangi. Engu virðist skipta, þótt sagt sé að vegum sé lokað, samt er sama ástandið og ævinlega virðist vera þegar mestu illviðri ganga yfir landið,“ bætir Ómar við.