Öflugur skjálfti mældist klukkan 11.31, 2,5 kílómetra norðaustur af Fagradalsfjalli. Samkvæmt fyrstu tölum var hann 4,3 að stærð og því örlítið stærri en skjálfti sem mældist í morgunsárið.
Skjálftinn fannst vel á höfuðborgarsvæðinu og víðar.
Jarðskjálftahrinan á Reykjanesinu er enn í gangi en yfir 8000 jarðskjálftar hafa verið staðsettir með sjálfvirka jarðskjálftamælikerfi Veðurstofu Íslands frá því að hrinan hófst síðasta miðvikudag.
