„Þjóðleikhúsið virðist búið að skipta um lógó, þegjandi og hljóðalaust. Finnst einhverjum þetta til bóta?“
Þessari spurningu varpar Ragnhildur Sverrisdóttir upplýsingafulltrúi fram á Facebook-síðu sinni. Þar birtir hún mynd af nýju lógói Þjóðleikhússins og er óhætt að segja að skoðanir um það séu skiptar meðal fólks.
„Mér finnst búið að "einfalda" og "nútímavæða" lógóið þar til það er nánast leikhúsinu til háðungar. Líklega getum við prísað okkur sæl að nafninu er þó rétt skipt á milli lína, öfugt við t.d. Stúden/takjal/larinn, en það skilti nær drepur mig út pirringi í hvert skipti sem ég rek augun í það. Þetta var mánudagspirringur þeirrar sextugu. Samt. Seriously!,“ segir Ragnhildur.
Flestir þeirra sem taka til máls undir færslu Ragnhildar virðast vera sammála henni um að merkið sé ekki til bóta eins og sjá á nokkrum þeirra athugasemda sem hafa verið skrifaðar:
„Sammála, þetta er háðung“
„Ó nei, þetta er glatað!“
„Sammála. Hræðilega ódýrt, hallærislegt og sæmir ekki Þjóðleikhúsi“
Kristjón Kormákur Guðjónsson, fjölmiðlamaður og fyrrverandi ritstjóri, segir að gamla lógóið séu meira við hæfi en það nýja. „Nýja lógóið eins og misheppnaður farsi sem myndi líklega fá hauskúpu eins og tíðkaðist stundum í gagnrýni í gömlu Pressunni!“
Egill Helgason fjölmiðlamaður tekur undir það og segir: „Þetta gamla er mjög gott.“
Sigríður Beinteinsdóttir söngkona segir: „Gamla lógóið er miklu flottara og á að halda sér að mínu mati.“
Jónína Leósdóttir rithöfundur er þó á öðru máli en flestir. „Þori varla að segja það upphátt - en mér finnst nýja lógóið ágætt.“
Nýja lógóið var hannað af auglýsingastofunni ENNEMM og var það frumsýnt um miðjan þennan mánuð.
Þjóðleikhúsið virðist búið að skipta um lógó, þegjandi og hljóðalaust. Finnst einhverjum þetta til bóta? Mér finnst búið...
Posted by Ragnhildur Sverrisdóttir on Mánudagur, 21. september 2020