Sett hefur verið af stað söfnun fyrir Ernu Christiansen, unga konu sem missti heimili sitt og sex hunda í húsbruna í Kópavogi í gær. Greint er frá söfnuninni á vef Hundasamfélagsins á Facebook og veitti Saga Matthildur Árnadóttir Hringbraut góðfúslegt leyfi til að greina frá henni.
„Í brunanum sem var í Kópavogi í gær missti ung kona heimili sitt og 6 af hundabörnunum hennar dóu af völdum brunans. Það tókst að bjarga 4 hundum. Þessi unga, duglega og yndislega kona missti því bæði heimili sitt og hluta a börnunum sínum í þessum hræðilega atburði,“ segir í færslu Sögu og segir hún að þó nokkrir hafi tekið sig saman og sett söfnunina af stað.
Reikningurinn er á nafni Sögu en allt sem safnast fer beint til Ernu. „Þetta eru algjörlega frjáls framlög og allt fer beint til Ernu til þess að gera henni kleift að kaupa það sem vantar og komast aftur á fæturna eftir þetta stóra áfall.“
Miklar skemmdir urðu í eldsvoðanum og sem fyrr segir dóu sex hundar en fjórir komust lífs af. Í færslu sem Slökkviliðið á höfuðborgarsvæðinu birti á Facebook-síðu sinni í dag kom fram að hundarnir hefðu verið meðvitundarlausir þegar þeim var bjargað. Var þeim gefið súrefni og öndunarbelgir hnýttir í þá til að hjálpa þeim að anda.
„Við fengum gær góðu fréttir í dag að þeir væru að braggast vel,“ sagði í færslu Slökkviliðsins á höfuðborgarsvæðinu.
Reikningsupplýsingarnar eru hér að neðan:
kt. 250898-2829
Reikningsnr: 0545-14-003866
