Bæjarins bestu hafa hækkað verð hjá sér á pylsum í 500 krónur frá og með deginum í dag. Áður kostaði pylsan 470 krónur og nemur hækkunin 6,4 prósentum.
Markaðurinn greinir frá þessu í dag.
Þar er haft eftir Guðrúnu Kristmundsdóttur, eiganda og framkvæmdastjóra Bæjarins bestu, að hækkandi aðfangakostnaður og sérstaklega hækkandi launakostnaður, liggi að baki þessari verðhækkun.
„Við höfum ekki hækkað verð í mörg ár en neyðumst til þess núna. Launakostnaður er kominn vel yfir 40 prósent af tekjum,“ hefur Markaðurinn eftir Guðrúnu.